Medarbeidar Vang legekontor – Inntil 60 % fast stilling

Er du vår nye kollega ved Vang legekontor?

Me har inntil 60 % stilling ledig (du kan sjølv velje stillingsprosent frå 40-60 %). Arbeidsdagar pt er mandag, tirsdag og eventuelt onsdag.

Vang legekontor har tre fastlegar og tre medarbeidarar. Legekontoret ligg i kommunesenteret Vang, og er samlokalisert med psykisk helseteneste, helsestasjon, frisklivssentral, ergo- og fysioterapi, samt kommunepsykolog. Legekontoret har i tillegg til fastlegeteneste, legevakt på dagtid, kommuneoverlegefunksjon og andre kommunale legetenester.

Søknadsfrist :05.01.2025
Arbeidsgivar: Vang Kommune
Stad: VANG I VALDRES
Stillingstittel: Medarbeidar Vang legekontor – Inntil 60 % stilling
Stillingar: 1
Heiltid/Deltid: Deltid
Tilsetjingsform: Fast
Stillingsprosent: 60
Webcruiter-ID: 4895810888

Arbeidsoppgåver

• som medarbeidar på legekontoret har du varierte arbeidsoppgåver. Medarbeidarane vekslar mellom sentralbord, laboratorietenestar, skadestove og andre støttefunksjonar for legane.
• vurdere hastegrad når pasientane kontaktar legekontoret
• pasientretta aktivitet: EKG, spirometri, blodprøver, stell av sår og liknande
• yte praktisk hjelp til legane ved behov
• administrere timebøker
• kontorarbeid knytt til verksemda
• oppgåver knytt til helsetenester i mottak/flyktningehelse kan bli lagt til stillinga
• tilsette vil få tildelt ansvarsområder knytt til drift av legekontoret

Kvalifikasjonar

Me søkjer etter deg som innehar:

• helsefagleg utdanning på bachelornivå – grunna legevaktsfunksjon på dagtid.
• faglege forutsetningar for stillinga
• fortrinnsvis har relevant erfaring frå kommunehelseteneste, legekontor, legevakt og akuttmedisin
• har god skriftleg og munnleg kommunikasjonsevne
• har gode norskkunnskapar munnleg og skriftleg
• kunnskap om bruk av relevante datasystem og evne til å opparbeide god dataforståing

Personlege eigenskapar

Me ser etter deg som er:

• lærevillig
• har gode samarbeids- og kommunikasjonsevner
• er strukturert og endringsvillig
• gode norskkunnskapar munnleg og skriftleg

Personlege eigenskapar og eignaheit for stillinga blir vektlagt

Godkjent politiattest skal leverast ved tilsetjing

Vi tilbyr

• Eit inkluderande og engasjert arbeidsmiljø med høgt fagleg fokus.
• Nye utfordringar kvar dag og gode kollegaer som gjerne hjelper deg.
• Løn etter tariff, og arbeidsvillkår etter gjeldande lov- og avtaleverk
• Gode pensjons- og forsikringsordningar
• Tilsetjing på ordinære villkår som til eikvar tid gjeld i kommunal sektor

Tyinvegen 5150, 2975 VANG I VALDRES, Norge

Søk her

Kontaktinformasjon

Mari Kaspersen
Kommuneoverlege
 Telefon:46846476
E-post:mari.kaspersen@vang.kommune.no

Vang kommune som arbeidsgjevar: 

• Ca 290 tilsette fordelt på kommunalområda: Helse og omsorg, Utdanning og kultur, Landbruk og teknisk, og Stab
• Den viktigaste ressursen me har er våre tilsette. I Vang kommune gjer me det me kan for at tilsette skal ha det bra på arbeid!
• Vang kommune har nynorsk som skriftspråk.

Å bu i Vang kommune: 

• Ei storstilt satsing på barn og unge!
• Ein kombinert barne – og ungdomsskule, med ca 200 elever. Nyrenovert med heilt ny fleirbrukshall med klatrevegg, basseng etc. Tolærarsystem, slik at det nesten alltid er to lærarar tilstades i klasserommet. Skulen nyttar Vang sin flotte natur mykje, både ved uteskule, faget FRI-NAT (friluftsliv og natur), og spanande utflukter. I Vang er SFO gratis for alle barn!
• Vang kommune har to barnehagar, Høre og Fredheim, begge har småbarns og storbarnsavdeling. I Vang er det løpande barnehageopptak (start når det passar dykk!) og frå august 2024 er månadsprisen per barn 1500 kr
• Helse og omsorgstenester av god kvalitet
• Vang kommune har personalbustadar til leige, med butid opptil 3 år
• Byggeklare tomter fleire stadar i kommunen, alle med fantastisk utsikt!
• I Vang finn du 2 solide kontorfellesskap, gjer som fleire andre og ta med deg arbeidet til Vang!
• Både i Vang og resten av Valdres finn du eit yrande kulturliv, der tradisjon står i høgsete,  med blant anna tradisjonsmat, tradisjonsmusikk, tradisjonshandtverk og aktiv stølsdrift. Vang kommune har også ein god kulturskule med stort utval av tradisjonelle og moderne aktivitetar
• I Vang står lag, foreiningar og idrett sterkt, her finn du aktivitetar for einkvar smak!
• Vang har ein storarta natur som innbyr til friluftsliv sommar som vinter, er du glad i turar, ski, jakt og fiske så er dette staden for deg!  Vang blir sagt å ha “vestlandsfjell med austlandsklima“, og er ei bygd med landbruk, grundarar, turisme og næringsliv i eit levande og inkluderande bygdesamfunn. I Vang finn du også store delar av Jotunheimen og ikkje minst festivalen Vinjerock
• I Vang har dei fleste kort avstand mellom arbeid, barnehage og skule. Her kan du leve eit så roleg eller så aktivt liv som du sjølv ynskjer, i ei distriktskommune med positiv folketalsutvikling
• Meir info om korleis det er å bu i Vang og kva som skjer i Vang finn du her på VangiValdres.
• Meir info om arbeids – og bumarkedet Valdres finn du på VelgValdres

Vang kommune er opptatt av mangfold og oppmodar kvalifiserte kandidatar til å søke uansett alder, kjønn, funksjonsevne eller kulturell bakgrunn. 

Me gjer merksam på at søkjarar kan få sitt namn gjort offentleg i søkjarlista, sjølv om det er bedt om konfidensiell behandling. Du som søkjar vil i tilfelle bli varsla på førehand om det. 

Del stillingen

Selskap

Lenke til firma

Kategorier

Kontaktinfo

Lokasjon

Søknadsfrist